Бо Субҳон

         Рост аст, ки гузаштан ба низоми пардохтҳои ғайринақдӣ на ба ҳама хуш меомад ва на ҳама комилан розӣ буданд, ки бо ин зудӣ мо ба ҳамин низом гузарем. Дигар маълум аст, ки сабаби асосӣ боз ҳам ҳамон фасоду пора аст. Яъне, низоми пардохтҳои ғайринақдӣ, ки як андоза омили инсониро камтар мекунад, баъзеҳоро аз гирифтани фоида ва пораи каму беш маҳрум месозад ва шояд аллакай як андоза маҳрум ҳам кард.

Ҳоло, ки як муддати аз оғози татбиқи ҳамин тасмим мегузарад, мушоҳида мешавад, ки на ҳама садогарон ва соҳибкорону тоҷирон ба моҳияти ҳамин чиз пурра дарк сарфаҳм рафтаанд, на ҳамаи онҳо ҳамин гуна ҳоҳиш доранд, ки дар қатори гардиши пули нақд ҳамин низоми пардохтҳои ғайринақдӣ ҳам рушд кунад. Мо асосан, доираи соҳибкорону тоҷиронеро дар назар дорем, ки ба гурӯҳи хурд ва миёна дохиланд. Яъне, ҳамон гурӯҳе, ки аксарияти мардум, асосан ва ҳар рӯз бо онҳо дар муносибатҳои тиҷоратӣ ва хариду фурӯшу доду гирифт ҳастанд.

Filed under: Майдони бахс ва андешарони | Tagged: Бонки миллӣ, бонк, замимаи мобилӣ, корти бонкӣ, пардохти нақдӣ, пардохти ғайринақдӣ, пул, пули нақд | Leave a comment »

Ҳеҷ кас ба андозаи фарзанди падар азизу қарину наздикат нест. Махсусан, ба андозаи як хоҳар ва махсусан чени як додар. Ҳоло аз муҳаббатҳои самимӣ ба гумонам ҳамоне боқӣ мондааст, ки дар қалбу хайёлу дар вуҷуди фарзандони банангу номӯси падар аст.

Ман аз додаронам он қадар муҳаббату ихлосу самимияту ғамхориро дидаму эҳсос кардам, ки ҳатто баъзан фикр мекунам, акаи калон неву додари кенҷаашон ҳастам…

Filed under: Майдони бахс ва андешарони | Tagged: Бахтибек Ҷалилов, Файзобод, бародар, додар, доктор Бахтибек, донишгоҳи Тиббӣ, духтур, духтури кӯдакон, оча, табобат | Leave a comment »

Рост аст, ки ягон кору амале бе розигии Худованд анҷом намешавад, балки ҳатто сурат намегирад. Ва новобаста ба хоҳишу интизориву ҳаросҳову орзӯҳо дилхоҳ кору амал ҳамон гунае оғоз шудаву ҷараён мегирад, ки офаридгор хоста бошад. Сафари мо ҳам бо мақсади Умра дар Мадинаи мунаввараву Маккаи мукаррама дар аввали моҳи марти соли равон бо хоста ва ризоияти Худованд буд. Он аз санаи 6-ум то 18-уми март идома ёфт ва ҳудудан як ҳафтаи он ба даҳаи раҳмати моҳи мубораки Рамазон иттифоқ уфтод, ки ин мояи сарфарозӣ ва шукргузории ман аст.

Filed under: Майдони бахс ва андешарони | Tagged: Арабистони саъудӣ, Макка ва Мадина, Маккам мукаррама, Субҳон Ҷалилов, Умра, паёмбари ислом, Қаъба, ҳаҷҷи умра, ҳоҷӣ Субҳон | Leave a comment »

Рамазон дар воқеъ моҳи хайру баракат аст. Ба ҳамон ҳад, ки ҳатто аз тасаввури инсонҳо фаротар асту берунтар. Ҳоло то фарорасиаш ду ҳафта боқӣ монда бошад ҳам, пайки нек ва пайғоми баракат аз он моҳ аллакай мерасад. Ман, ки фарорасии Рамазони шарифро хеле пазмон мешавам, имрӯз дар маросими имзои созишнома барои кӯмакҳои башардӯстонаи иборат аз ғизо миёни Маркази имдод ва кӯмакҳои башардӯстонаи шоҳ Салмон ва Ҷамъияти Ҳилоли Аҳмари Тоҷикистон аз ҷумла, дар ҳамин маврид низ фикр мекардам. Худованд ин қадар бузург ва сахӣ аст, монанди ҳолате, ки пеш аз тифл пистони модарро пур аз шир мекунад, пештар аз Рамазон ризқи мардумони ниёзманду ятиму бечораро мерасонад.

Filed under: Майдони бахс ва андешарони | Tagged: Арабистони саъудӣ, Рамазон, кӯмакҳо, сабадҳои озуқаворӣ, сафорати Арабситон, ҳаҷҷи умра | Leave a comment »

Ӯ шоҳиди чанд замону давру давра аст. Ҳам замони беғамиҳову фаровоннониҳо, ки ҳатто чорвои мардум тағораҳои калони тарит дошт, ҳам замони ғамдориҳо, ки дар он ба сари ҳар аъзои оила 120 гиром нон мерасид ва акнун давраи хотираҳо ва хаёлҳои ба нон печида — даврони нонпазҳои муосир ва нонҳои гоҳ гарму сахту ширину шӯру сангакиву барқиву тафдонӣ….

Муҳимтарин фасли кории ӯ ба гумони ғолиб ҳамон давроне буд, ки мардум аз ин саволи фарзандаш ғамгину аламзада мегашт — «оча, нон дорем?»…

Filed under: Майдони бахс ва андешарони | Tagged: Самандар Муродов, Файзобод, гуруснагӣ, нони Файзобод, нонпаз, пекарня, тағо, хлеби Файзобод, ҷанги шаҳрвандӣ | Leave a comment »

   Зан ҳама он даҳшатро аз телевизор дид. Телевизоре, ки дар хонаи хобаш гузошта шуда буду фақат худаш онро тамошо мекард. Он чӣ, ки дигарон аз каналҳои маҳаллӣ медиданд, барои ӯ писанд набуд. Чандин сол аст, ки ӯро дар қатори телевизор нигоҳу назару андешааш ҳам дигар асту аз дигарон фарқкунанда.

  Имрӯз бошад, ӯ ба ҳадде асабӣ ва нороҳат буд, ки фикр мекардӣ касе аз он қурбониён наздиктарин шахси ӯ буд ё ҳамон хонаву ҳавлии сӯхта, ки кадом шабакаи хориҷӣ нав нишон дод, аз они ӯ аст..

Filed under: Майдони бахс ва андешарони | Tagged: Бозгашт, Лаби ов, Наташа, Убайд, деҳа, мусофир, муҳоҷират, нозири минтақавӣ, посбон, соли 1992, хизмати аскарӣ, хоб, шиноснома, қатора, ҳамсари рус, ҳуҷҷат, ҷанги шаҳрвандӣ, ҷомадон | Leave a comment »

  Содиқ тамоми роҳу пайроҳа ва боғу гулгашти ҳамин минтақаи шаҳрро дар чор фасли сол дидааст ва ёд дорад. Ӯ медонад, ки дар танаи чинорҳои бузурги канори роҳи мошин номи кӣ гӯё кандакорӣ шудаасту ҷамъи кадом ҳарфҳо дар ҷуссаи он дарахтҳо баробари ЛЮБОВЬ аст…

  Тулӯъ ва ғуруби офтоб, ки ӯ баъзан ину баъзан онро дар ҳошияи андешаҳои бесару нӯг тамошо мекард, шояд зеботарин ҳодисае бошад, ки аз ӯ ва атрофиён новобаста рух медод. Дар миёни фосилаи аз омадан то рафтани офтоб дар рӯзгору зиндагии ӯ даҳҳо рӯйдоди хубу на он қадар хуб ҳам ба вуқӯъ мепайваст, ки ҳар кадом таъсири ҷудогона ба рӯҳу равони ӯву хонаводааш дошт…

Filed under: Майдони бахс ва андешарони | Tagged: Лида, СМС, Содиқ, бекорӣ, ишқварзӣ, мардикор, пинҳон, саг, сарватманд, сарватмандон, хонавода, эълон, ҳамсари дуюм, ҳамсоязан, ҳикоя, ҷойи кор | Leave a comment »

Filed under: Майдони бахс ва андешарони | Tagged: Субҳон Ҷалилов, куҷо шудӣ? рубоёт ва дубайтӣ, суроғ, шеър, ҷустуҷӯ | Leave a comment »

Ҳамин мавсим инҷо ғамангезтар аст. Ба ҳар сурат чунин ба назар мерасад, ки баъди борону барфи зиёд , ки ҳатто пайроҳаҳои борики деҳаро барои муддати мадиде сафеду касногузар ва баъдтар яхдору хавфнок мекунад, дар дили ҳама як ҳолати яъс падид меояд. Хуб аст, ки инҷо ҳоло анъанаи тоза кардани роҳҳо то чанд ҷойи барои мардум муҳим, мисли масҷиду мағозаи деҳа боқӣ мондааст ва аксаран наврасон ва баъд ҷавонони аз муҳоҷират баргашта, гоҳ шабона ва гоҳо субҳи барвақт ин корро анҷом медиҳанд.

Filed under: Майдони бахс ва андешарони | Tagged: Меҳмонхона, Русия, Таваккал, барфу борон, деҳа, кампир, кӯдакон, мардикор, маровез, меҳмон, меҳнат, муҳоҷират, оббозӣ, оби шифо, шир | Leave a comment »

Баъди он, ки аксарияти мошинҳои кӯҳнаву фарсуда аз шаҳр бурун шуданд, ин ҷойҳо сермошин гашт. Аксарияти он мошинҳоро, ки акнун кирокашӣ мекунанд, онҳое ронандагӣ мекунанд, ки аз Русия депорт шуданд ва ё дигар хоҳиши ба онҷо рафтан надоранд. Ба болои ҳамаи ин мардумони дигар ҳам як одату кори аҷиби дигарро дар ҳамин чанд соли охир ёд гирифтанд — дигар барои кору бори худашон шаҳр рафтанӣ шаванд ҳам, ҳатман ба ин нуқта омада, се-чор мусофир мегиранд ва баъд суйи шаҳр ҳаракат мекунанд. Кадом шабе мардум дар масҷид ҷавонеро мазаммат кардаанд, ки падари беморашро дар курсии пеши мошинаш шинонида, як соат дар ҳамин истгоҳ мусофир кофтааст …

Filed under: Майдони бахс ва андешарони | Tagged: гун шудан, деҳа, мусофирон, сафар, смс, такси, телефон, хиёнат | Leave a comment »

(дар ҳошияи сурудаҳои мардумӣ)

*****
Оча, мо хумори ту,

Садқа бар дидори ту,

Дар ра интизори ту

«Мембрм дар и оча…»

Filed under: Майдони бахс ва андешарони | Tagged: Субҳон Ҷалилов, марсия, мембрм дар и оча, модар, модарнома, оча, очаҷон, рубоёти модар, сӯгворӣ | Leave a comment »