Бо Субҳон

Баъди он, ки аксарияти мошинҳои кӯҳнаву фарсуда аз шаҳр бурун шуданд, ин ҷойҳо сермошин гашт. Аксарияти он мошинҳоро, ки акнун кирокашӣ мекунанд, онҳое ронандагӣ мекунанд, ки аз Русия депорт шуданд ва ё дигар хоҳиши ба онҷо рафтан надоранд. Ба болои ҳамаи ин мардумони дигар ҳам як одату кори аҷиби дигарро дар ҳамин чанд соли охир ёд гирифтанд — дигар барои кору бори худашон шаҳр рафтанӣ шаванд ҳам, ҳатман ба ин нуқта омада, се-чор мусофир мегиранд ва баъд суйи шаҳр ҳаракат мекунанд. Кадом шабе мардум дар масҷид ҷавонеро мазаммат кардаанд, ки падари беморашро дар курсии пеши мошинаш шинонида, як соат дар ҳамин истгоҳ мусофир кофтааст …

Filed under: Майдони бахс ва андешарони | Tagged: гун шудан, деҳа, мусофирон, сафар, смс, такси, телефон, хиёнат | Leave a comment »

Охирин рафтани он се пирамардро гӯё касе надида буд. Чун он мисли рафтану омаданҳои дигари маъмулиашон буд, касе ҷиддӣ ба он хира нашуд ва таваҷҷӯҳи аз ҳарвақта бештар накард. Ва баъди овоза шудани ин ҳодиса ҳам кам касон дуруст тахмин карда метавонистанд, ки ин се пирамард куҷо шуданд, чаро рафтаанд, кай бозмегарданд, чӣ онҳоро ба ин амали ғайриоддӣ таҳрик додааст?

Filed under: Майдони бахс ва андешарони | Tagged: асп, гум шудан, деҳа, зиндагӣ, муйсафедон, пешгӯйӣ, пирамард, пирӣ ва ҷавонӣ, сафар, хайёл, ҳиҷрат | Leave a comment »

Ин ҷо гӯё монанд аст ба як нафас будан дар погаҳи дари дунё то рафтан ба истгоҳи дигар ё дунёи дигар. Ҳаминҷо мисли он, ки анъанаи ин дунё аст, нафасҳо пештар аз сафарҳои дуру дароз як бори дигар рост мешавад. Мусофирон гӯё бори охир сӯйи деҳа ва кулбаи лойини худ назар мекунанд, аз ҳамин ҷо барои гирифтани кадом молу ашёи фаромӯшкардаашон бармегарданд, сагҳои аз пушташон то инҷо омадаро ба хона пеш мекунанд, кӯдакони хурдсоли худро, ки барои ҳамраҳӣ гиря доштанд, бо ширинӣ ё чанд танга ва ё ҳатман бо ҳарфи дурӯғе бозпас мегардонанд…

Ва маҳз ҳамин ҷо дида ба дидори сафаракиҳои дигар мерасад, тӯшаи роҳи онҳоро бо таличаи худатон муқоиса мекунед, аз либосҳои аксаран зебо ва гоҳ ҷандаи тани мусофирон фикрҳое ба саратон меоянд, мебинед, ки мардумон дар сафарҳо кӣ ва чиро ҳамроҳ мегирифтаанд, мебинед, ки мусофирон пештар аз омадани воситаи интиқолашон ба ҷои дигар чӣ гуна пулҳои қатшудаву шикаставу аз арақи кафи даст тару беҳолро аз панҷаҳо раҳо кардаву барои ҳисобӣ омода мешаванд ва дар идомаи ҳамин хаёл дарк мекунед, ки касоне ҳам кам нестанд, ки дар ҳамин нукта охирин пулҳои доштаи худро, охирин тангаҳои худро баргашта ва ба такрор шумурдаву бо алам ба кафи дасти кадом пулчинаке ё ронандае медиҳанд…

Filed under: Майдони бахс ва андешарони | Tagged: автобус, истгоҳ, минибус, мусофир, муҳоҷирон, сафар, сӯҳбат, файзобод, хотира | Leave a comment »

Ин субҳ барвақт аз хоб бедор шудам. Соат чанд аст, намедонам. На телефонамро ҳамроҳам овардаам, на ноутбукро. Дишаб аз мағозае, ки дар наздикии меҳмонхонаи мо аст, сим-корт харидам ва бо зану фарзандонам чанд дақиқа сӯҳбат ҳам карда будам. Оромии шабам ҳам аз ҳамин буд. Ду рӯз пеш онҳо вақти гуселам ҳарду баробар гириста буданд.

Ба духтарон занг задам. Онҳо нав аз хоб хеста буданд. Баъди чанд дақиқа якҷоя ба ошхона рафтем. Тамоми меҳмонхонаҳои дунё барои меҳмононаш хӯроки субҳро аз ҳисоби ҳамон маблағи арзиши ҳуҷра ташкил мекунад. Читать далее →

Filed under: Майдони бахс ва андешарони | Tagged: Варшава, Субхи Ватан, Туризм, аврупо, радиои Ватан, сайёҳат, сафар | Leave a comment »

Шаб борхалтаи сафарамро омода кардам.  Субх мо аз Вашингтон ба иолоти Теннесси ба шахри Ноксвил меравем. Моро мошине, ки чанд  руз дар ихтиёри мо буд, ба фурудгохи ба номи Рональд Рейган овард. Ончо барои ба расмият дарории бор ва гирифтани талони нишаст, хар кас худаш аз дастгоххо истифода мебрад. Хама чиз ба тадрич автоматики ва худкор мешавад. Пахлуи хуби ин амал он аст, ки накши одам хар кадар камтар шудан гирад, хамон кадар порагириву муносиботи нохуб камтар мешавад.  Тасаввур кунед, агар мо хам хамин гуна сабти борхоямонро ба воситаи тачхизот ва бе кормандони фурудгохи Душанбе анчом дода метавонистем, холатхои ногувор тамоман рух намедод.  Мо борхалтахоямонро супорида аз назорат гузаштем ва акнун кариб як соат бояд мунтазири парвоз мешудем. Фурудгохи ба номи Рейган дар Вашинтон ба назарам ки аз Фурудгохи Душанбе калонтар аст. Wi-Fi ин чо интизориро осонтару сабуктар мекунад…. Читать далее →

Filed under: Майдони бахс ва андешарони | Tagged: Мехмонхона, Ноксвил, Хэллоун, амрико, сафар, саёхат | Leave a comment »

Расо як сол кабл ман чун иштирокчии аввалин Форуми чавонони Иттиходи давлатхои Мустакил хамин вакту соат дар Арманистон будам. Аммо имсол хушбахтона маро насиб шуд, ки  Амрикоро бубинам. Ман бо дастгирии Сафорати Амрико дар Точикистон иштирокчии барномаи ба номи Эдвард Р. Марроу шудам. Як шаб аз 21 шаби будан дар Амрико аллакай руз шуд! Хотироти сафарамро хар руз кушиш мекунам, ки инчо нависам, шояд шавковар бошад. Читать далее →

Filed under: Майдони бахс ва андешарони | Tagged: Субхон чалилов, амрико, радиои Ватан, сафар, фурдгох | 4 комментария »

    Чанд соли ахир аз солхои пештар дида занхои ронанда бештар ба назар мерасанд. Агар солхои пеш шумори онхо кам ба чашм мерасид, хозир бошад охиста-охиста шуморашон зиёдтар шуда истодааст. Харчанд коидаи ронандаги барои занон ва мардон як хел аст, вале аз навиштахои баъзе сомонахо маълум мешавад, ки дар баъзе чойхо барои занхо якчанд шароитхои дигар низ муйян шудааст. Ба монанди ичозати ронандагии занон дар Арабистон, ки аз ин чанд шароити ачиб дар поёни ин матлаб мо факат чандтои онро ба таври мухтасар овардем, ки шумо метавонед бихонед! Читать далее →

Filed under: Майдони бахс ва андешарони | Tagged: арабистон, бензин, занхои ронанда, коидахои рох, мошин, мусофирон, ронандахо, сафар, умед-88, хуччати ронандаги | 11 комментариев »